نفسك تتعلم التصميم بالفوتوشوب وتعدل على صورك هنبدا مع بعض من البدايه
ناس كتير نفسها تلعب فى الصور الشخصيه بتاعتها وتعمل حركتها وتركب صور على صور
لكن بيعتقدوا ان الموضوع صعب
لا خلص الموضوع مش صعب
الموضوع بس محتاج انك يكون عندك برنامج تصميم كويس تعمل عليه الكلام ده
ويكون عندك الاستعداد انك تتعمل عليه
ويكون عندك الصبر انك تجرب مرة واتنين ولو فشلت فى الاول لازم يكون عندك اصرار وتحاول اكتر من مرة لحد ماتوصل للنتيجه اللى انت عايزها
وبالصبر والاصرار هتوصل هتوصل
انا مصممة جرافيك بشتغل على برنامج الفوتوشوب فقط
وده مش ميزة المفروض اللى يشتغل عل برامج التصميم يكون بيعرف يتعامل مع اكتر من برنامج
بس انا شخصيا بحب جدا برنامج الفوتوشوب وبعشقه وبحاول على قد ما اقدر اعمل عليه كل شغل
والبرنامج حاليا اطور كتير عن زمان وبدا يحاكى ويماثل كل برامج التصميم الاخرى
انا بحب قوى شغل الانيميشن على الفوتوشوب
والانيميشن للناس المبتدئة اللى ماتعرفش الفووشوب هو شغل الصور المتحركة
يعنى لما تلاقى صورة فيها شغل متحرك كده وحركات حلوة
هو ده بقى الانيميشن اللى بقصده
يعنى لو عيزين تصممو كروت معايدة مثلا او بطاقات دعوية فيها حركات
هتتعمل بالفوتوشوب
0 التعليقات:
إرسال تعليق